美食速報｜米線陣限定胡椒豬肚花甲湯米線　必試$10爆漿黑糖糍粑

天氣Keep住凍，當然要食返碗米線暖身！米線陣即日起推出期間限定「胡椒豬肚花甲湯米線」，仲可以$10優惠價加配一人小食，一共有4款，CP值極高！

今次的「胡椒豬肚花甲湯米線」以爽口豬肚和鮮甜花甲入饌，並加入辛辣芳香的胡椒粒，慢火熬製出香濃微辣的湯底，鮮甜帶微辣，暖胃一流！主菜則可選擇配搭雞或牛肉，只售$58。

最新影片推介

食米線又點少得加小食？米線陣推出4款一人小食，通通只需$10就食到！木耳、皮蛋就食得多，今次特別加入了不少人的至愛甜點「爆漿黑糖糍粑」，煙靭控一定要試。熱辣辣的糍粑配上爆漿黑糖，口感一流！另外亦有新品花甲木耳，爽口醬辣豬肚和口水汁尖椒皮蛋，嗜辣人士絕對不容錯過。花甲木耳麻鮮味雙重夾擊，相當特別。

▼點擊圖片放大

+8

+7

除了以上優惠，為慶祝米線陣日出康城分店將於1月21日（星期日）開幕，當日康城店更會推出快閃優惠，全日惠顧任何食品都可享有88折，康城居民記得把握機會試限定米線了！

記者：Panda